筆者：林嘉莉醫生
Dr Lam Ka Lee Karry - Specialist in Orthopaedics & Traumatology
最近看過幾位女士，有媽媽，亦有在職嘅OL，佢哋都有手指公和手掌疼痛嘅情況。
她們的病癥包括手指公對下，手掌位置有疼痛，特別係當需要用力做完嘢之後，又或者長時間用過手機後，有好似針吉嘅感覺。有時當他們將手指公移到某個位置需要用力時，例如要做握或捏的動作，便會出現赤赤痛嘅感覺。
幾過詳細問診及檢查後，他們都是手指公與手掌連接的關節(CMC joint)出現咗問題。原因是這個關節對於手部活動的幅度來講係最大嘅，包括打開、收埋、彎曲、伸直以及旋轉嘅動作。好時當我們用手攞嘢或做嘢嘅時候，用到捏、夾，又或者握等動作時，都會用到這個關節。正正就係用得多，因此磨損的機會當然會高。當過度使用這個關節，就有機會做做成退化磨損。有時亦會因受傷而被破壞，就會形成拇指掌腕關節炎。
女士？男士？任何人？ 好多時女士先天韌帶比較鬆弛，又或者工作時需要使用較多拇指嘅力量。又或者以前曾經受過傷或脫臼，又或者本身患有風濕性關節炎都會比較容易患上這個拇指掌腕關節炎。當然男士也會有，筆者也診症過不少男士，只是女士比較常見。至於媽媽，因為BB個頭其實都好重下，如果加上要做下家務，機會又再大啲咁囉。
治療方面其實要視乎程度，如果早期的話，可以透過食消炎止痛藥，佩戴手托盡量比隻手休息下。如果情況持續，可以喺患處局部注射類固醇幫助消炎。
當情況嚴重時，局部關節會變得不穩定，形成關節炎，亦有可能會半脫位，這時只要郁到手指公就會疼痛，手指公的力量亦會下降，有時連扭開樽蓋都有困難。那時就需要用手術嘅方法去治療。
如果你有以上徵狀，鼓勵你早啲搵專科醫生做返個評估，手指手掌痛嘅話好多嘢都做唔到㗎！
