筆者：林嘉莉醫生 - 骨科專科醫生
Dr Karry Lam Ka Lee - Specialist in Orthopaedics & Traumatology
唔知大家有冇留意，近年有多咗手指既關節痛？主要影響手指公嘅關節，又或者係尾指嘅關節。有好多時覺得冤住冤住唔舒服，令人感覺唔自然，周身唔自在。
近排有這些病人求診，女士為主，而且年輕化趨勢，他們都沒有受傷嘅紀錄，手指亦沒有變形。有家庭主婦，亦都有在職人士。他們有睇過普通科醫生，醫生說他們的手指退化了，這樣令他們很失落。對於『退化』這個解釋，他們實在接受唔到，因為他們都很年輕，覺得唔會這樣快發生在他們身上。
他們的症狀都是當使用到受影響的關節時，手指出現疼痛，例如緊握重物一段時間後痛楚會加劇，但休息過後痛楚便會減輕。受影響關節感到腫脹以及無力，有時關節活動幅度會減少。細問之下，原來他們都有一個共通點，他們都有長時間用電話嘅習慣，又或者iPad, 尤其是疫情之下多咗WFH，使用時間更加長。
於是我請他們攞個電話出來，示範一下平時用手機嘅姿勢，就發現原來係姿勢問題。加上現時智能電話越出越大部，亦越出越重，如果長時間使用，缺乏休息以及放鬆手指，很容易造成關節痛。
姿勢唔正確導致手指關節痛!?
電話和iPad 的重量，加上唔正確的姿勢，會增加壓力在手指的關節，造成疼痛。時間長了壓力會增加，甚至造成拉傷。
如果手指關節痛有咩要注意呢？
朝早起床時，手指關節感覺僵硬無力、難以彎曲。關節位置感到灼熱、腫脹和疼痛，經過伸展之後回恢復正常或減輕。如果你有這些手指關節痛的病癥，可能是類風濕性關節炎的初期症狀，嚴重會引致關節變形。
我建議如果大家都有類似嘅情況，可以搵專科醫生檢查下，可以透過藥物減輕痛楚，更重要係搵出原因，先可以治標又治本。